استشارة قانونيه عاجله حول توريث الايجار القديم

احنا اسرة مكونة من اب وام وبنتين وولد كنا عايشين مع بعض فى شقة ايجار قديم بالقاهرة باسم والدى ..( تاريخ تحرير العقد 73 ومذكور فيه لفظ مشاهرة )
اختى الكبيرة تزوجت فى حياة والدى ووالدتى فى مسكن خاص لها مع زوجها ... وبقالها حوالى 11 سنه متزوجه
ثم توفى والدى فى مارس 2005 وطلع وصل الايجار باسم ورثة المرحوم والدى وفضلت انا واختى الثانيه ووالدتى مقيمين فى الشقة ..
ثم تزوجت اختى الثانيه فى مسكن خاص لها ايضا مع زوجها ( بعد وفاة والدها وفى حياة والدتها ) ... وبقالها حوالى 5 سنوات متزوجه ..
و فضلت انا ووالدتى مقيمين فى الشقة الى ان توفيت والدتى فى مايو 2009..
وفضلت انا لوحدى مقيم فى الشقة حتى الان ومازال الايصال بيطلع باسم ورثة المرحوم والدى ...

يبقى بعد وفاة والدتنا مين ليه الحق فى امتداد عقد الايجار يا ريت تشرحلى بالتفصيل لانى اشتريت الشقة تمليك وبعد ما اشتريتها اخواتى عاوزين يطعنوا فى العقد وبيقولوا انك مش المفروض تاخد الشقة لوحدك لاننا احنا الثلاثه شركه فيها فايه راى حضرتك ..

استفسار اخر اخواتى البنات بيقولولى لازم ترضينا شرعا فهل ليهم حق شرعى عندى فرض على بعد ما امتلكت الشقة ...

يا ريت حد من الاخوه المحامين يرد يا جماعه ولكم جزيل الشكر ..

فى انتظار ردك اخى العزيز كمبوته ..

هو سؤالى صعب كدا اوى يا جماعة برجاء الرد .