نضحك شوية .. بعد الغم اللى شوفناه فى الايام الماضية.. نكت الثورة

النّومينيز لهذا الأسبوع في برنامج "رئيس آكاديمي":ا
1. معمّر القذّافي من ليبيا
2. علي عبد الله صالح من اليمن
3. حمد بن عيسى من البحرين
...صوّت لرئيسك المفضّل و اربح معه رحلة للسعوديّة

شعار الشرطة الجديد :

الشرطة في عرض الشعب"

ايه قمة الهبل ؟؟..........
.
.
أنك تزغزغ واحد ميت
.
............................
.
.
.
.
.
طيب ايه قمه الرعب ؟؟
.
.
.
.
.
.
.
.
.
.
انه يضحك

شعب مصر الى الرئيس القادم
.
.
.
.
..........
.
.

.
.
...امشى بما يرضى الله علشان ال85 مليون خدوا نمر بعض و هى رنه و انت عارف الباقى.

الله...الوطن...التحرير..يوم الجمعه

للجادين فقط : دبابة موديل 1973,
أستعمال نقيب,
جنازير أسبور,
دواخل فابريكة,
راشة المدفع فقط,.
.......
.
.........لأعلي سعر ................

حـــالة حظر التجول هاتترفع والجيش سيعود الى معسكرات

عندما تتأكد الحكومة أن أخر واحد من الشعب
.
.
...................
.......
.
.
.

.
أتصور جنب الدبابة

عاجل/ مراسل الجزيره للقائد معمر القذافى ..فخامه الرائيس الا تزعجك التظاهرات الآخيره للشعب المصرى والتونسي فى قلب نظام الحكم
الرئيس القذافى ..انت شكلك مراسل غبى ايه هيجيب المصرين والتوانسه يتظاهروا فى ليبيا

الجديد فى عيد الحب :

.....

.......
......
...

.....

الزوج يريد تغييير المدام

مره حسنى مبارك راح مدرسه ابتدائى فلما جت فتره الاسئله ولد رفع ايده

مبارك ساله اسمك ايه فقاله رامى فقاله ايه سؤالك يا رامى ؟

رامى : انا عندى اربع اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

ساعتها بالظبط رن جرس الراحه وبعد الراحه رجع مبارك وقال احنا كنا فين بقى؟ مين عنده سؤال ؟

ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟

تامر : انا عندى 6 اساله

1 - ليه انت رئيس بقالك 25 سنه ؟

2 - لسه معينتش نائب ؟

3 - ليه ولادك ماسكين

كل حاجه فى البلد ؟

4 - ليه مصر حالتها الاقتصاديه زفت و انت مبتعملش حاجه ؟

5 - ليه جرس الراحه رن ربع ساعه بدرى ؟

6- فين رامى ؟؟؟؟؟؟

مبارك كان في زياره لدوله عربيه وواقف مع رئيسها في بلكونه قصره
فمبارك بيقوله( انت بتجيب الفلوس اللي عندك دي كلها منين )
قاله بص شايف الكوبري اللي هناك ده
مبارك (اه)
قاله اتكلف 100مليون وقلت انه اتكلف مليار وهاكذا
بعدها بسنه الرئيس ده جه مصر
وهو واقف مع مبارك في بلكونه قصره ساله يا مبارك بتجيب فلوسك منين
مبارك (شايف الكوبري اللي هناك ده)
قاله مفيش كوبري اساسا
مبارك( اهو ده بقي اتكلف 2 مليار)

-مواطن مصري قال لآخر : الرئيس حسني
مبارك خطفوه والفدية 5 مليون دولار، ولو الفدية
ما ادفعتش .. الخاطفين هددوا يدلقوا عليه بنزين
ويحرقوه وأحنا بنجمع تبرعات .. تحب تشارك؟
الرجل سأل: "وفي المتوسط الناس بتتبرع
بكام"..
الرجل الثاني : " من 5 إلي 10 لتر بنزين ؟

-قرر مبارك الترشح لرئاسة تونس وملايين
التونسيين يطالبون بعودة بن علي للحكم.

- طلب وزير الداخلية من حسني مبارك ان
يكتب رسالة وداع للشعب المصري.
فسأله باستغراب:
...ليه هم حيروحوا فين؟

-حسني مبارك جمع شيخ الأزهر وبابا الكنيسة
المصرية وقال لهم: أنا جمعتكم النهارده عشان
أقول لكم إن ابني جمال هيبقي رئيس مصر سنة
2011م
قام البابا قال: ماشاء الله اللهم صلي ع النبي.
شيخ الأزهر قال له: إيه اللي بتقوله ده يا
حضرة البابا.. الكلام ده بتاعنا؟
البابا قال له: ماهي حاجة تخلي الواحد يطلع
عن دينه.

- بيقولك الشباب في التحرير مختلف مع بعض
علشان فيه ناس معاها أجندات 2010 وناس
2011، ده غير الاخوان اللي معاهم أجندات
بالتقويم الهجري.

خـــبـر عاجل:
الـــريــس: إيه الأخبار يا عمر؟
قال له: كله تمام يا ريس.
بعنا المصانع وبعنا الشركات وهربنا الاثار
وحولنا الفلوس بره.
ومش فاضل غير الشعب.
الـــريــس: كويس كده.
انقل المسلمين السعودية
و المسيحيين أمريكا
و اقــفـل و تعال

-عاجل: الصعايدة مازالوا يطالبون حسني
مبارك بالتنحي.

-عاجل ومؤكد: مبارك يتصل بـ زين العابدين
وقال له :لو هينام بدري يسيب له مفتاح البيت تحت الدواسة.

- المادة 534 من الدستور :اذا مات الرئيس يتم
تشكيل لجنة لتحضير روحه لإدارة المرحلة
الانتقالية.

- المادة 535 من الدستور: اذا فشل تحضير
روح الرئيس تلغي الدولة ويلغي الدستور وتسرح
القوات المسلحة ويوزع الشعب علي الدول
المجاورة.

- الرئيس الليبي معمر القذافي في لقاء
تليفزيوني قبل قليل: المرأة لازم تاخد حقوقها
سواء كانت ذكر أم أنثي.

- اتصل ب 09000500 علشان تحمل خطاب
الرئيس قبل أي حد.

- المواطن المصري الوحيد الملتزم بقرار حظر
التجول حتي الآن هو حسني مبارك.

- رسالة من تلميذ مصري الي ميدان التحرير:
بخصوص الثورة اللي شغاله عنكم لاتنسوا أنها
ستدخل في مادة التاريخ واحنا اللي بنحفظ
فاختصروا من فضلكم

أبليس شاف ال 3 ملايين بيصلوا الجمعة في ميدان التحرير راح مصوت وقال الله يخرب بيتك يا مبارك بقالي 30 سنة أضلل فيهم وأنت بعماليك السودا دي تخليهم يتجمعوا ويصلوا ؟ وهتف مع المتظاهرين "يسقط يسقط حسني مبارك"!) ..

خرج التلفزيون المصري الرسمي يروج لإنجازات مبارك وأنه لا يليق بالشعب المصري أن ينحيه بهذه الطريقة، ومن ضمن هذه الإنجازات أن مبارك هو القائد العسكري صاحب الضربة الجوية على إسرائيل ... هنا رد شباب ميدان التحرير قائلين : يا ريتو ضرب مصر الضربة الجوية وحكم إسرائيل تلاتين سنة