لو سيادتك فى فترة اعفاء ضريبى كل اللى هتكتبه بعد ملئ بياناتك انك معفى ضريبا
و ان كان البعض بيفضل انك تذكر عدد القضايا تحديدا اللى قمت برفعها او حضرت فيها بتوكيل و سددت دمغة محاماة باسمك
اما اذا كنت قد انتهت فترة الاعفاء الضريبى لديك فسوف تحاسب ضريبيا
لذلك امامك اتجاهين :-
الاتجاه الأول :-
ان سيادتك تذكر متوسط دخلك الشهرى ( و ستحاسب على هذا الأساس )
مثلا :- متوسط الدخل الشهرى = 200 جنيه * 12 شهر = 2400 جنيه فى السنة
يخصم منها 10% مصاريف اى ما يعادل 240 جنيه
يكون الباقى 2160 جنيه
يخصم منها مبلغ 5000 جنيه لا يستحق عليها ضريبة
تكون سيادتك معفى من سداد الضريبة
و هكذا .....
- يفضل هذا الاتجاه فى الحساب الضريبى اذا كنت ممن يقيد عدد الدعاوى على وجه التحديد او خوفا من وجود دعاوى قد رفعت باسمك و لا تتذكرها
------------------------------------------------------
الاتجاه الثانى :-
عدد القضايا الكلى ( مثلا 10 ) * اتعاب القضية ( مثلا 200 جنيه ) = 2000 جنيه
عدد القضايا الجزئى ( مثلا 10 ) * اتعاب القضية ( مثلا 100 جنيه ) = 1000 جنيه
غير ذلك ( مثل المحاضر و العقود و الاستشارات ) * الأتعاب ( مثلا ) = 500 جنيه
يكون المجموع = 3500 جنيه
تخصم منهم 10 % مصاريف اى ما يعادل 350 جنيه
يكون الباقى 3150 جنيه
* ملحوظة هامة / لو سيادتك بتحتفظ بالايصال الأحمر الخاص بالضريبة عند رفعك لأى قضية من الممكن تصويره و ارفاقه فى الاقرار
و تجمع مقدار هذه الايصالات و تكتبها فى خانة الخصم و التحصيل تحت حساب الضريبة
يعنى مثلا انت بتدفع ضريبة 5 جنيه على كل دعوى و انت مثلا رفعت 20 قضية اى ما يعادل 100 جنيه
فيخصم من الباقى لك من الربح اى 3150 جنيه - 100 جنيه تحت حساب الضريبة = 3050 جنيه
يخصم منها مبلغ 5000 جنيه لا يستحق عليها ضريبة
تكون سيادتك معفى من سداد الضريبة
و يتم ترحيل هذا المبلغ الى السنة القادمة كرصيد لك لخصمه ان وجدت ضريبة مستحقة ( نظام دائن و مدين )
يجب الاحتفاظ بهذه الايصالات حتى اذا دخلت فى الفحص يجب تقديمها للمصلحة كمستند ...
يفضل هذا الاتجاه للسادة المحامين الذين يتبعون نظام دقيق فى العمل و يحتفظ بدفتر لحفظ القضايا و قيدها كافة بياناتها فيه ....
و هكذا .....
* ملحوظة اخرى : الفحص يكون عشوائيا حسب العينة يعنى بالأرقام بغض النظر عن طريقة تقديم الاقرار او ما تكتبه فيه ...
الأحد مارس 01, 2009 2:52 am